HeimHelse, sosial og omsorgPsykisk helse og rusSøkje psykisk helse og rusteneste

Søkje psykisk helse og rusteneste

Treng du hjelp og rettleiing til psykiske lidingar og/eller rusrelaterte problem?

Psykisk helseteneste eit tilbod med individuell oppfølging, arbeids- og aktivitetstilbod, gruppebasert aktivitetstilbod, fritidsgrupper og samtalegrupper.

Psykisk helseteneste gir også hjelp til deg som er i målgruppa og bur i ein omsorgsbustad med døgnbemanning.

Slik søkjer du

Trykk her for å laste ned søknadsskjema for helse og omsorgstenester

I søknaden må du skildre behovet ditt og grunngje kvifor du søkjer.

Sidan søknaden inneheld opplysningar om helsetilstanden din, er det ikkje trygt å sende søknaden på e-post. Lever søknaden og vedlegga på eit av våre kontor for innbyggjarservice som du finn i 2. etasje i promenaden i Knarvik senter, i kommunehuset på Frekhaug eller i kommunehuset på Manger. Du kan òg sende dei til:

Søknadsfrist

Det er ikkje søknadsfrist. Vi behandlar alle søknadar etter kvart som dei kjem inn til oss.

Kva får du?

Vi gir mellom anna hjelp til:

  • medisinoppfølging med legemiddelassistert rehabilitering (LAR)
  • burettleiing
  • individuell plan
  • oppfølging av barn med pårørande som er psykisk sjuke og/eller har rusrelaterte problem
  • samtaler

Kva skjer vidare?

  • Vi prøver å svare deg innan fire veker. Dersom vi ikkje klarar det, tar vi kontakt med deg og fortel kor lang tid det vil ta før du får svaret.
  • Vi tar kontakt med deg dersom vi treng fleire opplysningar eller ønskjer å besøke deg.

Kontakt oss

Vi har ope kvardagar mellom klokka 09.00 og 15.00. Telefontid er mellom klokka 10.00 og 12.00

Hugs at det ikkje er trygt å sende informasjon om helsetilstand eller andre sensitive opplysningar på e-post.

Klage på vedtak

Trykk her for å lese korleis du kan klage på eit vedtak eller tilbodet du får.


Sist oppdatert: 19.05.2020
Publisert: 21.01.2019