HeimPolitikk og høyringarHøyringar og kunngjeringarOmråderegulering for Midtmarka og Rotemyra - Offentleg ettersyn og høyring

Områderegulering for Midtmarka og Rotemyra - Offentleg ettersyn og høyring

Planområdet utgjer ca. 1 064 daa, og dekker i hovudsak utmarka på nordre del av Flatøy, unntatt friluftsområdet Håøya i nordvest. Hovudformåla i planframlegget er bustad, næring, og offentlege tenester, kombinert med samferdsleanlegg og bruk og vern av sjø og vassdrag med tilhøyrande strandsone. Planen opnar for om lag 3 000 bueiningar, hovudsakleg i konsentrerte bustadområde. Ved full realisering av planframlegget vil det etablerast ein ny tettstad på Flatøy, som ei kopling mellom Knarvik og Frekhaug. Området vil gje rom for ein meir urban og tett bustadmasse enn det som er norma i dag, og vere i tråd med mål om meir samordna areal- og transportplanlegging.

Planframlegget omfattar følgjande dokument:

  1. Plankart 26.11.19
  2. Føresegner 22.11.19
  3. Planskildring 19.11.19
  4. Konsekvensutgreiing landskap
  5. Konsekvensutgreiing kulturminne og kulturmiljø
  6. Konsekvensutgreiing naturmangfald
  7. Konsekvensutgreiing sjøareal og strandsone
  8. Konsekvensutgreiing friluftsliv og barn og unge
  9. Konsekvensutgreiing trafikk og parkering
  10. Konsekvensutgreiing næringsliv og sysselsetting
  11. Konsekvensutgreiing samfunnstilhøve, service og helse
  12. ROS-analyse
  13. Kvalitetsprogram 25.10.19
  14. Mobilitetsplan
  15. Illustrasjonsplan med bygningstypologi 15.11.19
  16. Illustrasjoner sjøsportssenter
  17. Solstudie
  18. Lokale og regionale verknader handel og boliger
  19. Miljøgeologiske grunnundersøkelser
  20. Mulighetsstudie termisk energiforsyning
  21. Landbruksfagleg utredning
  22. Notat Lokalklima
  23. Notat Hotell
  24. Notat RIE
  25. VAO rammeplan Overordnede prinsipper
  26. VAO rammeplan Kartvedlegg 21.01.19
  27. Merknadsskjema planprogram
  28. Merknadsskjema utvida plangrense
  29. Notat Avvik mellom områdeplan og kommuneplanens arealdel
  30. Plan for medverknad, revidert 06.06.19
  31. Planprogram vedteke i Meland formannskap 02.06.17
  32. Prosess kring val av lokalvegløysningar
  33. WSP Vurdering av gjennomføring av områdeplan
  34. Planvedtak
  35. Støyutredning

Framlegg til plan vert ved høyring og offentleg ettersyn kunngjort i avisa Nordhordland. Grunneigarar, lag, organisasjonar og offentlege instansar vert direkte tilskrive. Utvalde plandokument ligg og til gjennomsyn, du finn dei i eit av våre kontor for innbyggjarservice som du finn i Knarvik senter, i kommunehuset på Frekhaug eller i kommunehuset på Manger.

Perioden for offentleg ettersyn er sett frå 27.11.2019 – 19.02.2020.

Merknader til planforslaget må vera framsett skriftleg innan merknadsfrist. For å kome med merknad kan ein enten nytte kommunen sitt elektroniske høyringsskjema, sende e-post til post@alver.kommune.no  eller sende brev til Alver kommune, Postboks 4, 5906 Frekhaug. Merknaden stilast til planavdelinga.

Merknadsfrist er sett til 19.02.2020

Folkemøte

Planframlegget vert presentert i folkemøte tysdag 21.januar 2020 klokka 19.00 i kantina på kommunehuset på Frekhaug.

Informasjonsmøte

Alver kommune inviterer til informasjonsmøte om områdeplan for Midtmarka og Rotemyra på Flatøy. Planframlegget vil bli presentert i møtet, og det vil bli opna for spørsmål.

Det vert open kontordag torsdag 09. januar klokka 09.00 - 11.30 og onsdag 15. januar klokka 15.00 - 18.00 i kantina på kommunehuset på Frekhaug. Her stiller administrasjon og konsulent og vil svare på spørsmål om planframlegget.

 


Sist oppdatert: 17.02.2020
Publisert: 06.12.2019